تويتر: العيد فى مصر ..حشيش بالليل، تحرش بالصبح

تعاني العديد من الدول العربية من مشكلة التحرش الجنسي، وتعد مصر هي أكثر الدول العربية التي تعاني من هذه المشكلة، وتكثر عمليات التحرش في التجمعات والمناسبات ومواسم الأعياد وقد قاد مجموعة من الشباب مؤخراً العديد من الحملات لمنع التحرش، اما في موقع التواصل الاجتماعي تويتر وبمناسبة عيد الأضحى المبارك فقد علق العديد من المغردين المصريين على موضوع التحرش بالعيد بطريقة ساخرة واعتبروه من طقوس العيد التي اعتاد عليها الشعب المصري:

@atefAalrahman أم أيمن بتصبح عليكم وبتقولكم على جثتى ، التحرش حيفضل موجود فى مصر لأن ده الدليل الوحيد إن البلد دى فيها رجالة

@MohamedHussien4 انا شايف ان احنا كتبنا كل مناطق البلد ,يبقى الحل ان البنات متنزلش احسن و بناقص خروجة العيد لحد منشوف حل ف الشباب التعبان دا

@endoboss2 بعد صلاة العيد في ميدان المنشية. يعقبها التحرش في جميع الميادين و الحدائق حتي يتاح للجميع المشاركة دون تزاحم. و طبعا البنات هم السبب

@Elnourani ما هو لو حددوا فى العيد جنب من الطريق للتحرش وجنب للناس الكويسه .. هتتم عملية التحرش بسلام وما يتاخدش ناس بذنب ناس وهنروح كلنا مبسوطين

@AhmedIElsheikh و هو العيد ايه غير شوية تويتات عن الأكل و التحرش و حشيش يوم الوقفة

@sarafikry_ نقول تانى نداء الى محبى التحرش فى جميع انحاء العاصمة … العيد جاى … انزلوا بقى ربنا يوفقكوا

@Me_dra شباب ( الشعب المصري المتدين بطبعه ) يحرص على أداء صلاة العيد في الخلاء صباحا تماما كحرصه على التحرش بالنساء في المنتزهات والتجمعات ليلا

@ShadyMottaleb و من الجدير بالذكر ان تحرشات العيد الصغير كانت بروفه لتحرشات العيد الكبير ..

@evronia هو التحرش في وسط البلد بيعد كل ايام العيد ولا اول يومين كده؟؟ اقدر انزل وسط البلد يعني ولا ايه النظام؟

@Protagoras5 كل تحرش وانتوا طيبين قصدي كل عيد وانتوا متحرشين يووه قصدي كل عيد وانتوا طيبين

@ayman20100 بداية التحرش بتكون من سن صغير جداً من عمر اطفال … ما تستغربش حصل بالفعل كتير اطفال اقل من 10 سنوات تحرشوا بفتيات

@iMcke المصيبة بقى و اللي انا ملاحظه ان الناس بدأت تتعود على حوار التحرش ده على اساس انه مظهر من مظاهر العيد عادي. في إيه؟

@a7medabdalghany العيد فى مصر: يبدأ بصيام يوم الوقفه , الحشيش بليل , التحرش الصبح , وبعدين يدخل فيلم للسبكى ” شعب متدين بطبعه ” .

@Dinaseguiny حزينة عليكى يا مصر ﻷن الكلام عن التحرش فى العيد بقى شىء مفروغ منه، خلاص بقى زيه زى الكحك و دبح الخروف كدة.

@7ely العيد داخل، وكلنا عارفين أزمة التحرش..فيا ريت من دلوقتي ننسق مع بعض عشان مايتكررش اللي حصل العيد اللي فات، إن ناس روحت بيوتها من غير ماتتحرش

@Crazy_mOna_95 العيد جاى اهو و هنبتدى بقى الهرى ع التحرش من دلوقتى لحد بعد العيد اللى بعد اللى جاى دا كمان !

@HeshamWageeh والله المتحرشين في أول يوم العيد لو شافوا البنات اللي هما بيتحرشوا بيهم قبلها بيوم هنقضي علي ظاهرة التحرش

@basemalbrahim بالنسبة للبنات اللي بيقولوا أننا شايلين هم التحرش من الشباب في العيد …… أقسم بالله أن في بنات لما بمشي في الشارع هما اللي بتتحرشوا بيا

@AKGabri بس بجد لازم تألفو معاكسات جديدة و طرق جديدة للتحرش العيد دا .. عشان دا عيد المفروض ان أسمه “عيد التحرش الكبير” مش العيد الكبير ..ربنا يخدكو

@engGooner ايه حنروح فين في العيد؟ لأ انا حقعد في البيت .. طب ماتيجي نجرب التحرش السنة دي، اهو تجديد برضه

@S_Salem85 العالم كله .. سعيد بقدوم العيد وبيتناقشوا فى الى هيتعمل فى العيد إلا المصريين بيتناقشوا هيعملوا ايه لمواجهة التحرش فى الشارع

لمتابعة أحدث جولاتنا في المدونات العربية عبر صفحتنا على موقع فيس بوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.